Sameining Kjarnans og Stundarinnar var farsæl frá rekstrarlegu sjónarhorni en hlutahafahópurinn sem stendur að baki Heimildinni er nú algjörlega klofinn í tvennt.
Þorsteinn Friðrik Halldórsson
Á næstunni verður haldinn hluthafafundur þar sem reyna mun á óhefðbundin ákvæði um tengda aðila og í aðdragandanum hefur einn hluthafi unnið að því að styrkja stöðu sína.
BlueBay Assset Management, stærsti erlendi fjárfestirinn á íslenskum skuldabréfamarkaði, telur að raunvextir þurfi að lækka örum skrefum til að viðhalda efnahagsumsvifum.
Þorsteinn Friðrik Halldórsson
En miðað við nálgun peningastefnunefndar hingað til þyrfti staðan í hagkerfinu að breytast umtalsvert áður en nefndin hættir sér á á slíkar slóðir.
Skuldabréfasjóður Akta náði forskoti á aðra snemma á síðasta ári þegar hann taldi markaðinn of svartsýnan á þungann í útgáfu ríkissjóðs. Og með vel tímasettum stöðutökum náði hlutabréfasjóður SIV eignastýringar að enda árið efst á lista.
Þorsteinn Friðrik Halldórsson
Tveir sjóðstjórar sem skiluðu bestu ávöxtuninni í flokki innlendra verðbréfa á síðasta ári fara yfir helstu ástæðurnar á bak við gott gengi.
Frá ritstjóra
Eftir sex mánaða rekstrarrof, sem helgaðist af feðraorlofi ritstjóra, er útgáfa Hluthafans hafin á ný. Á morgun, föstudaginn 9. janúar, virkjast sjálfvirkar kreditkortagreiðslur. Hafi einhverjum snúist hugur í millitíðinni er hægur leikur að segja upp áskrift með því að smella á „Reikningur“ efst í hægra horni heimasíðunnar. En hérna er það sem er á dagskrá:
Fyrstu tíu mánuðirnir fram að útgáfuhléi voru nýttir til að fara hægt í sakirnar og prófa hugmyndina. Viðtökurnar fóru fram úr væntingum og nú, eftir smá hlé til umhugsunar, er líkanið orðið skýrara.
Einu sinni í viku kemur út pakki, sem inniheldur minnst eina vandaða umfjöllun, tvær fréttir og mögulega fáein áhugaverð smælki ef tími gefst. Allt þarf að vera ferskt eða áhugavert – engar uppfyllingar.
Að lokum má nefna að miðillinn leitar að einum auglýsanda fyrir samstarf. Þetta yrðu þó kannski ekki hefðbundnar auglýsingar enda er okkur kappsmál að raska ekki lestrinum svo um muni. Nánar um það hér:
Þorsteinn Friðrik Halldórsson
